ఏలూరు : 10-06-2025
వ్యవసాయ కార్మికుల కోసం సమగ్ర చట్టాన్ని రూపొందించాలని డిమాండ్ చేస్తూ భారత కిసాన్ మజ్దూర్ యూనియన్ (బికేఎంయు) ఆధ్వర్యంలో మంగళవారం ఏలూరు తహశిల్దార్ కార్యాలయం వద్ద ధర్నా నిర్వహించారు. కార్యక్రమంలో పలువురు నాయకులు, కార్యకర్తలు పాల్గొన్నారు.
ఈ సందర్భంగా బికేఎంయు జిల్లా ప్రధాన కార్యదర్శి బండి వెంకటేశ్వరరావు మాట్లాడుతూ, గ్రామీణ ప్రాంతాల్లో శ్రమించే వ్యవసాయ కార్మికుల హక్కులను రక్షించేందుకు కేంద్ర ప్రభుత్వం ప్రత్యేక చట్టం తీసుకురావాల్సిన అవసరం ఉందన్నారు. దేశవ్యాప్తంగా తహశిల్దార్ కార్యాలయాల వద్ద ధర్నాలు నిర్వహిస్తున్నామని చెప్పారు.
మహాత్మా గాంధీ గ్రామీణ ఉపాధి హామీ పథకం (ఎన్‌రెగా) కింద వ్యవసాయ కార్మికులకు సంవత్సరానికి 200 పని దినాలు కల్పించడంతో పాటు రోజుకి కనీసం ₹700 వేతనం చెల్లించాలన్నారు. అలాగే గ్రామాల్లో భూమిలేని పేదలకు ప్రభుత్వ మిగులు భూములు పంపిణీ చేయాలన్న డిమాండ్ చేశారు.
ఈ ధర్నాలో మండల కార్యదర్శి పొట్టేళ్ల పెంటయ్య, నాయకులు బుగ్గల ప్రభాకర్, అరిగెల యోహన్, కే మంగమ్మ, ఏఐటీయుసి జిల్లా కోశాధికారి పుప్పాల కన్నబాబు, బి. జగన్నాథరావు తదితరులు పాల్గొన్నారు. ధర్నా అనంతరం తహశిల్దార్‌కు వినతిపత్రం సమర్పించారు.
.jpeg)
.jpg)
