తెలంగాణ ముఖ్యమంత్రి రేవంత్ రెడ్డిపై మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ ఎక్స్ వేదికగా తీవ్ర వ్యాఖ్యలు చేశారు. డ్రగ్స్ కేసులో తనపై విచారణ జరుగుతోందని రేవంత్ రెడ్డి చేసిన వ్యాఖ్యలకి ఆధారాలేంటో చెప్పాలని కేటీఆర్ ప్రశ్నించారు. తనపై ఎక్కడైనా కేసు నమోదైందా? కనీసం కొంతైన రుజువులున్నాయా? సీఎంకు దమ్ముంటే ఆధారాలు చూపించాలని సవాల్ విసురుతున్నానని ట్వీట్ చేశారు. రేవంత్ రెడ్డి మీడియా చిట్చాట్ పేరుతో తనపైనా, ఇతరులపైనా విషం చిమ్మడం ఇది తొలిసారి కాదని.. సీఎం కార్యాలయానికి గౌరవం ఇచ్చి సంయమనంతోఉన్నట్టు కేటీఆర్ తెలిపారు.
హైదరాబాద్‌లో తనతో చర్చకు వచ్చే దమ్ములేక ఢిల్లీ వెళ్లి మరీ నాపై బురద జల్లుతున్నారని.. కేవలం చట్టం పరిధి నుంచి న్యాయస్థానాల పరిధి నుంచి తప్పించుకోవడానికే రేవంత్ రెడ్డి చిట్చాట్ పేరుతో దొంగచాటు మాటలు మాట్లాడుతున్నారని ఫైర్ అయ్యారు. రేవంత్ అసత్యపూరిత, దురుద్దేశపూర్వక నిందలకు మూల్యం చెల్లించుకోవాల్సి వస్తుందని.. నిరాధార ఆరోపణలకు వెంటనే క్షమాపణ చెప్పాలి. లేదంటే రేవంత్‌రెడ్డి.. మిమ్మల్ని కోర్టుకు లాగుతా. క్షమాపణ చెప్పకపోతే పర్యవసానాలు ఎదుర్కోవాల్సి ఉంటుందని కేటీఆర్ హెచ్చరించారు.
-(7).jpg)
.jpg)
.jpeg)
.jpg)
