తిరుపతి/అప్పలాయగుంట, జూన్ 12, 2025
అప్పలాయగుంటలో శ్రీ ప్రసన్న వేంకటేశ్వర స్వామివారి వార్షిక బ్రహ్మోత్సవాల్లో భాగంగా గురువారం రాత్రి గజ వాహనసేవ వైభవంగా జరిగింది. రాత్రి 7 గంటలకు ప్రారంభమైన ఈ వేడుకలో స్వామివారు గజ వాహనంపై అభయహస్తంతో భక్తులను అనుగ్రహించారు.
వాహన సేవ సందర్భంగా భక్తులు స్వామివారికి కర్పూరహారతులు సమర్పించి భక్తిశ్రద్ధలతో దర్శించుకున్నారు. అంతకుముందు మధ్యాహ్నం 3.00 నుండి 4.00 గంటల వరకు పుణ్యాహవాచనం, వసంతోత్సవం ఘనంగా నిర్వహించారు.
ఈ రోజు శుక్రవారం ఉదయం 8 గంటలకు స్వామివారు సూర్యప్రభ వాహనంపై భక్తులకు దర్శనమివ్వనున్నారు. ఉత్సవాల సందర్భంగా ఆలయ ప్రాంగణం భక్తులతో కిటకిటలాడింది.
ఈ కార్యక్రమంలో టిటిడి డిప్యూటీ ఈవో శ్రీ హరీండ్రనాథ్, ఏఈవో శ్రీ దేవరాజులు, సూపరింటెండెంట్‌ శ్రీమతి శ్రీవాణి, టెంపుల్‌ ఇన్‌స్పెక్టర్ శ్రీ శివకుమార్, అర్చకులు, శ్రీవారి సేవకులు పాల్గొన్నారు.
.jpeg)
.jpg)
