TTD: శ్రీవారి భక్తులకు శుభవార్త.. ఆక్టోబర్ కోటా టోకెన్స్ తేదీలు ఇవే..!

తిరుమల శ్రీవారి భక్తులకు టీటీడీ శుభవార్త చెప్పింది. శ్రీవారి దర్శనానికి సంబంధించి ప్రతి నెల స్పెషల్ దర్శనం, ఆర్జిత సేవలు, శ్రీవాణి, వర్చువల్ కల్యాణం టోకెన్లను టీటీడీ విడుదల చేస్తుంటుంది. ఈ క్రమంలో అక్టోబర్‌ నెలకు సంబంధించి శ్రీవారి దర్శనం, రూమ్స్ కోటా విడుదలకు సంబంధించిన షెడ్యూల్ ను టీటీడీ విడుదల చేసింది. శ్రీవారి ఆర్జిత సేవా టికెట్లను జులై 19న ఉదయం 10 గంటలకు ఆన్‌లైన్‌లో విడుదల చేయనున్నారు. ఈ-సేవా టికెట్ల ఎలక్ట్రానిక్‌ లక్కీ డిప్‌ కోసం జులై 21వ తేదీ ఉదయం 10 గంటలకు వరకు ఆన్‌లైన్‌లో రిజిస్టర్ చేసుకోవచ్చు. ఈ-సేవా టికెట్లు పొందిన భక్తులు జులై 21 నుంచి 23వ తేదీ మధ్యాహ్నం 12 గంటలలోపు డబ్బు చెల్లిస్తే లక్కీడిప్‌ టికెట్‌ మంజూరవుతుంది. 

కల్యాణోత్సవం, ఊంజల్‌ సేవ, ఆర్జిత బ్రహ్మోత్సవం, సహస్రదీపాలంకార సేవ, వార్షిక పుష్పయాగం టికెట్లు- జులై 22 ఉదయం 10 గంటలకు.., వర్చువల్‌ సేవలు, వాటి దర్శన స్లాట్లకు సంబంధించిన టికెట్లు - జులై 22 మధ్యాహ్నం 3 గంటలకు విడుదల చేస్తారు. అంగప్రదక్షిణం టోకెన్లు - జులై 23 ఉదయం 10 గంటలకు.., శ్రీవాణి ట్రస్టు ఆన్‌లైన్‌ కోటా టికెట్లు - జులై 23 ఉదయం 11 గంటలకు వయోవృద్ధులు, దివ్యాంగులు, దీర్ఘకాలిక వ్యాధులున్నవారి ఉచిత ప్రత్యేక దర్శనం టోకెన్లు - జులై 23 మధ్యాహ్నం 3 గంటలకు., రూ.300 ప్రత్యేక ప్రవేశ దర్శన టికెట్లు - జులై 24 ఉదయం 10 గంటలకు., తిరుమల, తిరుపతిలో గదుల బుకింగ్‌ - జులై 24 మధ్యాహ్నం 3 గంటలకు టీటీడీ వెబ్ సైట్లో భక్తులకు అందుబాటులో ఉంచుతారు.