పారదర్శకతే ప్రభుత్వ పరిపాలనకు కొలమానం. ఏ నిర్ణయమైనా జీవోల రూపంలో బహిరంగం. జీవోలు విడుదల చేయడమే ఆ ప్రభుత్వం ఎంత నిబద్ధతగా పని చేస్తుందనడానికి నిదర్శనం. కానీ, గత ప్రభుత్వం ఈ జీవోల వ్యవస్థనే నిలిపివేసి పరిపాలించింది. అన్నీ రహస్యాలుగానే ఉంచి తన పంథా కొనసాగించింది. ఆ విధానాన్ని తప్పుబడుతూ నాడు చంద్రబాబునాయుడు, పవన్ కళ్యాణ్, నారా లోకేశ్ సహా అందరూ విమర్శించారు. కొన్ని మీడియాలు వాటిపై ప్రత్యేక కథనాలు, చర్చలు నడిపిన సందర్భాలు లేకపోలేదు. అన్ని జీవోలు వెబ్ సైట్ లో పొందుపరుస్తామంటూ ఎన్నికల సమయంలో ప్రస్తుతం ప్రభుత్వం నడుపుతున్న నాయకులంతా ఊదరగొట్టారు. తీరా అధికారంలోకి వచ్చాక మాత్రం ప్రతి విషయంలోనూ రహస్యమే పాటిస్తున్నారు.
రాష్ట్రంలో చీకటి పాలన నడుస్తుందా అనే అనుమానాలు బలపడేలా పాలన నడుస్తోంది. కూటమి ప్రభుత్వం అధికారం చేపట్టాక సీక్రెట్ జీవోలు ఇస్తోంది. సోషల్ మీడియా యాక్టివిస్టులను వేధించడానికి బీఎన్ఎస్ 111 వంటి సెక్షన్లతో నల్ల చట్టాలను తెచ్చారని విపక్షాలు ఆరోపిస్తున్నాయి. అక్రమ కేసులు, అక్రమ నిర్బంధాలు, వేధింపుల కోసం హోంశాఖలో 44 రహస్య జీవోలు జారీ చేశారని విరుచుకుపడుతున్నారు. భూకబ్జాలు, సంతర్పణల కోసం రెవెన్యూ శాఖలో సైతం అత్యధికంగా 93 జీవోలిచ్చారని ఓ లిస్ట్ ను సైతం సోషల్ మీడియాలో విడుదల చేశారు. మున్సిపల్ శాఖలో 18, పంచాయతీ రాజ్ శాఖలో 12, జలవనరుల శాఖలో 7, ఆర్థిక శాఖలో 6, సాధారణ పరిపాలన శాఖలో 6, ఆర్ అండ్ బీలో 5, పరిశ్రమల శాఖలో 4, వ్యవసాయ శాఖలో 3, మైనార్టీ సంక్షేమ, న్యాయ, పర్యాటక శాఖల్లో ఒక్కో రహస్య జీవో జారీచేశారు. వీటిని ఆధారంగా చేసుకుని ప్రతిపక్షంలో ఉన్నప్పుడు రహస్య జీవోలపై నీతులు చెప్పిన చంద్రబాబు, పవన్ కళ్యాణ్.. అధికారంలోకి వచ్చాక పారదర్శకతకు పాడె కట్టేశారని వైసీపీ ఆరోపిస్తోంది.
ఆ రహస్య జీవోలన్నీ అక్రమ కేసులు, కాంట్రాక్టర్లకు పనులు అప్పజెప్పేవి, కన్సల్టెన్సీలకు బిల్లులు చెల్లించేవే అని వైఎస్ఆర్ కాంగ్రెస్ పార్టీ నాయకులు ఆరోపణలు గుప్పిస్తున్నారు. చంద్రబాబు అధికారంలో ఉన్నప్పుడు ఒకలా, ప్రతిపక్షంలో ఉన్నప్పుడు మరోలా మాట్లాడటం ఆయనకు వెన్నుపోటుతో పెట్టిన విద్య అని, పవన్ సైతం అబద్ధాల్లో చంద్రబాబునే మించిపోయారని మాట్లాడుకుంటున్నారు. చంద్రబాబు 2014 హయాంలో 1132 రహస్య జీవోలను విడుదల చేసిందని ఇపుడు ఆయన 4.0 ఏంటో సీక్రెట్ జీవోలలో చూపుతున్నారన్న విపక్షాల మాటలకు కూటమి ప్రభుత్వం ఏమని బదులిస్తుందో..ప్రజలకేమని చెబుతుందో చూడాలి.
.jpeg)
-(2).jpg)
.jpg)
