చంద్రగిరి నియోజకవర్గ అభివృద్ధికి కూటమి ప్రభుత్వం కృషి చేస్తోందని, ప్రతి గ్రామానికీ అభివృద్ధి తేవడం తామే లక్ష్యంగా పెట్టుకున్నామని ఎమ్మెల్యే పులివర్తి నాని తెలిపారు.
రామచంద్రాపురం మండలంలో పలు అభివృద్ధి కార్యక్రమాలను ఎమ్మెల్యే నాని గారు ప్రారంభించారు. మండలానికి చేరుకున్న ఆయనకు అధికారులు, కూటమి నేతలు, కార్యకర్తలు ఘనంగా స్వాగతం పలికారు. గ్రామస్తులను ఆప్యాయంగా పలకరిస్తూ, వారి సమస్యలు తెలుసుకున్నారు.
ఈ సందర్భంగా గ్రామంలోని ఆలయంలో ప్రత్యేక పూజలు నిర్వహించిన ఎమ్మెల్యే గారు, అనంతరం సి.రామాపురం పంచాయతీ కోదండరామాపురంలో శిలాఫలకాన్ని ఆవిష్కరించి సీసీ రోడ్డును ప్రారంభించారు.
"విజన్ 2047"లో భాగంగా చంద్రగిరి నియోజకవర్గాన్ని అభివృద్ధిలో ముందుకు తీసుకెళ్లే దిశగా కృషి చేస్తామన్నారు. ప్రతి గ్రామానూ రోడ్డులు, పారిశుద్ధ్యం, మౌలిక సదుపాయాలతో సమృద్ధిగా తీర్చిదిద్దే దిశగా ప్రభుత్వానికి సంకల్పం ఉందన్నారు.
.jpeg)
