కుత్బుల్లాపూర్, జూలై 24. పెట్ బషీరాబాద్ లోని అల్వాల్ ట్రాఫిక్ పోలీస్ స్టేషన్ లో సీఐ నాగరాజు ఆధ్వర్యంలో ఉచిత కంటి వైద్య శిబిరాన్ని నిర్వహించారు. సోలిస్ కంటి హాస్పిటల్ కొంపల్లి శాఖ వారి సహకారంతో ఉచిత కంటి వైద్య శిబిరాన్ని ముఖ్యఅతిథిగా మేడ్చల్ జోన్ ట్రాఫిక్ ఏసిపి వెంకట్ రెడ్డి ప్రారంభించారు. ఈ ఉచిత కంటి వైద్య శిబిరంలో మొత్తం 74 మంది ట్రాఫిక్ మరియు ఇతర సిబ్బందికి కంటి పరీక్షలు నిర్వహించారు. ట్రాఫిక్ ఏసిపి వెంకట్ రెడ్డి మాట్లాడుతూ నిరంతరం విధి నిర్వహణలో ఉండే పోలీసు సిబ్బంది తమ ఆరోగ్యం పై ప్రత్యేక దృష్టి సారించాలని క్రమం తప్పకుండా వైద్య పరీక్షలు చేయించుకోవాలి. సిబ్బంది అందరూ ఈ చక్కటి అవకాశాన్ని సద్వినియోగం చేసుకుని తమ ఆరోగ్యం పట్ల తగు జాగ్రత్తలు తీసుకోవాలని సూచించారు. ఈ ఉచిత వైద్య శిబిరంలో అల్వాల్ ట్రాఫిక్ సిఐ నాగరాజు, ఎస్ఐ ప్రశాంత్ రెడ్డి,ఎస్ఐ రాజశేఖర్, పోలీస్ సిబ్బంది, సోలిస్ కంటి హాస్పిటల్ సిబ్బంది పాల్గొన్నారు.
Related Posts
Advertisement
.jpeg)
