కుత్బుల్లాపూర్ జీడిమెట్ల పోలీస్ స్టేషన్ పరిధిలోని గాజులరామరంలో ప్రేమ పేరుతో ఓ యువకుడు వీరంగం సృష్టించాడు. ఓ యువతిని ప్రేమ పేరుతో రెండేళ్ల నుంచి వేధిస్తున్నాడు వినయ్(21)అనే యువకుడు. యువకుడి వేధింపులు తాళలేక హైదరాబాద్ కి మకాం మార్చింది యువతి కుటుంబం.ఓ సూపర్ మార్కెట్ లో పనిచేస్తున్న అమ్మాయి ని వెతుక్కుంటూ వచ్చి.. అదే మార్కెట్ లో కత్తిని కొని యువతి పై దాడికోసం వేచిచూస్తున్నాడు. పరిస్థితిని గమనించిన యువతి స్టోర్ రూంలోకి వెళ్లి తల్లిదండ్రులకు సమాచారం ఇచ్చింది. దీంతో సూపర్ మార్కెట్ కు చేరుకున్న కుటుంబ సభ్యులు, స్టోర్ సిబ్బంది సహాయంతో యువకుడిని పట్టుకుని దేహశుద్ధి చేశారు. గత రెండేళ్లుగా వేధింపులకు పాల్పడుతుండటంతో తమ కూతురికి ప్రాణహాని ఉందని పోలీస్ స్టేషన్ లో నిందితుడిని అప్పగించి ఫిర్యాదు చేశారు.యువతి ఫిర్యాదుతో వినయ్ ను అదుపులోకి తీసుకున్న పోలీసులు.. అతడి నుంచి కత్తి స్వాధీనం చేసుకుని కేసు నమోదు చేశారు.
.jpeg)
