వికారాబాద్ జిల్లా యాలాల మండల పరిధిలోని జుంటుపల్లిలో సీతారాముల కల్యాణ మహోత్సవం అంగరంగ వైభవంగా జరిగింది. వేద పండితులు, బాజాభజంత్రీల మధ్య కొనసాగిన కల్యాణ మహోత్సవం కనుల పండుగగా కొనసాగింది. తాండూరు నియోజకవర్గ ప్రజలు, కొడంగల్, కర్నాటక రాష్ట్రాల నుంచి వేలాదిగా ప్రజలతో పాటు సీతారాముల కల్యాణ మహోత్సవంలో ముఖ్య అతిథిగా తాండూరు ఎమ్మెల్యే మనోహర్‌రెడ్డి పాల్గొన్నారు.
ఈ సందర్భంగా ఎమ్మెల్యే మనోహర్ రెడ్డిమాట్లాడుతూ... భద్రాచలం తర్వాత రెండో భద్రాచలంగా పిలువబడే జుంటుపల్లిలో రాములోరి కల్యాణం అంగరంగ వైభవంగా నిర్వహించడంపై ఆయన సంతోషం వ్యక్తం చేశారు. ఇక్కడికి తాండూరు నియోజకవర్గ ప్రజలే కాకుండా వికారాబాద్ జిల్లా పరిసర ప్రాంతాల్లో నుంచి పెద్ద ఎత్తున తరలిరావడం జరుగుతోందని అన్నారు. ప్రజలందరికీ ఆ శ్రీ రాముడి దీవెనలు ఉండాలని, శ్రీరామ నవమి శుభాకాంక్షలు తెలియజేశారు.
.jpeg)
.jpeg)
