బీటెక్‌ విద్యార్థి అనుమానాస్పద మృతి..?

By Ravi

On 05 Apr 2025 19:21:18

కృష్ణాజిల్లా అవనిగడ్డ నియోజకవర్గం నక్కవానిదారి గ్రామానికి చెందిన లక్ష్మీ వర్ధన్ (22) అనుమానాస్పదంగా మృతిచెందాడు. మార్చి 2వ తేదీన అర్ధరాత్రి 11.30 నిమిషాలకు ఫోన్ వచ్చిందని ఇంటి నుంచి బయటకు వెళ్లిన లక్ష్మీవర్ధన్.. మళ్లీ తిరిగిరాలేదు. ఫోన్ స్విచ్ ఆఫ్ రావడంతో 3వ తారీకు సాయంత్రం కోడూరు పోలీస్ స్టేషన్‌లో లక్ష్మీ వర్ధన్ తల్లిదండ్రులు ఫిర్యాదు చేశారు. తల్లిదండ్రులు ఇచ్చిన ఫిర్యాదు మేరకు మిస్సింగ్ కేసు నమోదు చేసి పోలీసులు దర్యాప్తు చేపట్టారు. ఐతే.. పాత ఉపకాలి మడ అడవుల మధ్యలో చెట్టుకి ఉరి వేసుకుని మృతదేహం ఉన్నట్లు సమాచారం రావడంతో.. పోలీసులు హుటాహుటిన సంఘటన స్థలానికి చేరుకున్నారు. ఆ మృతదేహాన్ని లక్ష్మీవర్ధన్‌గా గుర్తించారు. వెంటనే తల్లిదండ్రులకు సమాచారం అందించి పోస్టుమార్టం నిమిత్తం మృతదేహాన్ని అవనిగడ్డ ప్రభుత్వ ఆసుపత్రికి తరలించారు. అనుమానాస్పద మృతి కింద కేసు నమోదు చేసి దర్యాప్తు చేపట్టారు. లక్ష్మీ వర్ధన్ కంచికచర్ల నిక్ కాలేజీలో బీటెక్ ఫైనల్ ఇయర్ చదువుతున్నాడు.

Tags:

Latest News

బెట్టింగ్ రాయుళ్లు అరెస్ట్..!

06 Apr 2025 17:34:52

హైదరాబాద్ నగరంలో క్రికెట్ బెట్టింగ్ నిర్వహిస్తున్న వారి ఆట కట్టించారు.సౌత్ ఈస్ట్ టాస్క్ ఫోర్స్, మంగళ్ హాట్ పోలీసులు. ఈ ఇద్దరు కలిసి సంయుక్తంగా దాడులు జరిపారు....