తెలంగాణ సంగారెడ్డి

చిన్నారికి కేక్ ఇచ్చి.. ఫోన్ తో ఉడాయించిన దుండగులు

By Ravi

On 17 May 2025 17:15:33

చిన్నారికి కేక్ ఇచ్చి.. ఫోన్ తో ఉడాయించిన దుండగులు

నగర శివారులో దారుణమైన సంఘటన చోటుచేసుకుంది. కారులో వచ్చిన గుర్తు తెలియని వ్యక్తులు ఆడుకుంటున్న మూడేళ్ల పాపకు కేకు ఇచ్చి, అనంతరం చిన్నారి చేతిలోని ఫోన్‌ను లాక్కెళ్లారు. ఈ సంఘటన సమీపంలోని సీసీటీవీ కెమెరాల్లో రికార్డు కావడంతో విషయం వెలుగులోకి వచ్చింది. పటాన్ చెరువు రుద్రారం ముంబై జాతీయ రహదారిపై శ్రీకాంత్ అనే వ్యక్తి తాటి ముంజలు అమ్ముకుంటూ జీవనం సాగిస్తున్నారు. కారులో వచ్చిన వ్యక్తులు శ్రీకాంత్ కూతురి వద్ద ఆగారు. వారిలో ఒకరు పాపకు కేకు ఇచ్చి, ఫోన్ తో ఆడుకుంటున్న సమయంలో ఆమె చేతిలోని ఫోన్‌ను లాక్కుని కారులో వేగంగా వెళ్లిపోయారు. బాధితుడి ఫిర్యాదు మేరకు సిసి ఫుటేజ్ సేకరించిన పోలీసులు కేసు దర్యాప్తు చేస్తున్నారు.

Tags: