ఫారెన్ లో నిర్మించే సినిమాలపై 100% ట్రంప్ టారిఫ్..

టారిఫ్‌ అనే ఓ అణుబాంబుతో ట్రంప్ ప్రపంచ దేశాల్ని గడగడలాడిస్తున్నారు. పలు రంగాలపై టారీఫ్ ల మోత మోగించిన ఆయన.. ఇప్పుడు సినీ పరిశ్రమపై పడ్డారు. ఫారెన్ లో షూట్ చేసి అమెరికాలో రిలీజ్ చేసే సినిమాలపై 100 శాతం టారీఫ్ లు వేస్తున్నట్లుగా లేటెస్ట్ గా మరో బాంబ్ పేల్చారు. కొందరు కావాలనే హాలీవుడ్ ను నాశనం చేస్తున్నారని, అందుకే ఈ నిర్ణయం అంటూ ట్రంప్ తెలిపారు. ఈ మేరకు తన సోషల్‌ మీడియాలో పోస్ట్‌ షేర్ చేశారు. అమెరికాలో సినీ పరిశ్రమ వేగంగా నాశనం అవుతుంది. మా దర్శక, నిర్మాతలు, స్టూడియోలను యునైటెడ్‌ స్టేట్స్‌ నుంచి దూరం చేసేందుకు ఇతర దేశాలు అన్ని రకాలుగా ప్రోత్సాహకాలు అందిస్తున్నాయి. దీంతో హాలీవుడ్‌ నాశనమవుతుంది. దీన్ని దేశ భద్రతకు ముప్పుగా పరిగణిస్తున్నామని అందుకే ఈ ని్రణయం తీసుకుంటున్నట్లుగా ట్రంప్ పోస్ట్ లో రాసుకొచ్చారు. 

దీనిపై అమెరికా ట్రేడ్ మినిస్టర్ రెస్పాన్డ్ అవుతూ.. మేం దానిపై వర్క్ చేస్తున్నాం అని సమాధానమిచ్చారు. అయితే, అమెరికాలో సినిమాలను విడుదల చేసే విదేశీ నిర్మాణ సంస్థలకు ఈ టారిఫ్‌లు విధిస్తారా? ఓవర్సీస్‌లో నిర్మించే అమెరికా సినిమాలపై వేస్తారా అన్న దానిపై క్లారిటీ లేదు. త్వరలోనే దీనిపై పూర్తి వివరాలు బయటకు వస్తాయని తెలుస్తుంది.