ఆర్సీబీపై బుమ్రాకు అదిరిపోయే రికార్డ్

ఐపీఎల్ 18వ సీజన్‌లో ఈరోజు ముంబై ఇండియన్స్‌, రాయల్ ఛాలెంజర్స్ బెంగళూరు మధ్య మ్యాచ్ జరగబోతుంది. ఈ సీజన్‌ లో ముంబై నాలుగు మ్యాచులు ఆడి.. కేవలం ఒక్క విజయం మాత్రమే నమోదు చేసింది. ప్లేఆఫ్స్‌ అవకాశాలు ఉండాలంటే, ఇక నుంచి అయినా సక్సెస్ లు అందుకోవాలి. ఇక ఆర్సీబీ ఆడిన మూడు మ్యాచుల్లో రెండు విన్ అయ్యింది. ఈ మ్యాచ్‌లో గెలిస్తే.. ఆర్సీబీ ఏకంగా అగ్రస్థానానికి చేరుకుంటుంది. అయితే ఆర్సీబీపై ఎంఐ పేసర్ జస్ప్రీత్ బుమ్రాకు అద్భుతమైన రికార్డు ఉంది. ఆర్సీబీపై 19 మ్యాచ్‌లు ఆడిన బుమ్రా.. 7.45 ఎకానమీతో 29 వికెట్లు బ్రేక్ చేశాడు. 

అంతేకాదు వాంఖడే స్టేడియంలో బెంగళూరుపై 5 వికెట్ల అద్భుత ప్రదర్శన నేటికి ఎవరూ మర్చిపోలేరు. ఈ నేపథ్యంలో బుమ్రా మరోసారి విజృంభిస్తే ఆర్సీబీ తక్కువ స్కోర్‌కే పరిమితం అయ్యే అవకాశం ఉంది. 2013 నుంచి ముంబైకి ఆడుతున్న బుమ్రా.. ఇప్పటివరకూ 133 మ్యాచ్‌ల్లో 165 వికెట్లు తీశాడు. 2023 లో తనకు బ్యాక్ బోన్ కు గాయం కావడంతో మ్యాచ్ కు దూరం అయ్యాడు. ఇక రీసెంట్ గా బీసీసీఐ మెడికల్ టీమ్ ఫిట్ నెస్ టెస్ట్ లో క్వాలిఫై అవ్వడంతో ముంబై టీమ్ తో కలిశాడు. ఈరోజు ముంబైతో, బెంగళూరుతో జరిగే మ్యాచ్‌లో బుమ్రా ఎలాంటి రికార్డ్ ను క్రియేట్ చేస్తారో చూడాలి.