కూకట్పల్లిలో రెచ్చిపోయిన గంజాయి బ్యాచ్.. యువకుడి హత్య

కేపీహెచ్బీ పోలీస్ స్టేషన్ పరిధిలో గంజాయి మత్తులో ఓ గ్యాంగ్ రెచ్చిపోయింది. యువకుడిని హత్య చేసింది. గత రాత్రి సర్దార్ పటేల్ నగర్‌లోని ఓ అపార్టుమెంట్‌ సమీపంలో ఉన్న పార్కులో ఐదుగురు వ్యక్తులు గంజాయి సేవిస్తూ గొడవకు దిగారు. ఈ సందర్భంగా అపార్టుమెంట్ వాచ్మెన్‌తో పాటు వెంకటరమణ అనే యువకుడు తన మిత్రులతో కలిసి వారిని నిలదీశాడు. దీంతో ఆగ్రహానికి గురైన పవన్ అనే యువకుడు తన చేతిలో ఉన్న ఇనుప కడ్డీతో వెంకటరమణ గుండెల్లో గుచ్చాడు. తీవ్రంగా గాయపడిన వెంకటరమణ అక్కడికక్కడే మృతిచెందాడు. నలుగురు సభ్యులను పోలీసులు అదుపులోకి తీసుకోగా, ప్రధాన నిందితుడు పవన్ పరారీలో ఉన్నాడు. వెంకటరమణ సోదరుడు ఇచ్చిన ఫిర్యాదు మేరకు కేసు నమోదు చేసి దర్యాప్తు చేపట్టారు. మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు.

Tags:

కూకట్పల్లిలో రెచ్చిపోయిన గంజాయి బ్యాచ్.. యువకుడి హత్య

Related Posts

చిట్యాల మండలంలో బెల్ట్ షాప్స్ కి వ్యతిరేకంగా మహిళల ఆందోళన

ఎక్సైజ్ శాఖకే వన్నె తెచ్చిన వ్యక్తి కమలాసన్ రెడ్డి.. కమిషనర్ హరికిరణ్

వరి ధాన్యం రైతుల అవస్థలు..

పాతబస్తీలో ఈడీ అధికారుల సోదాలు.. పలు వ్యాపారుల ఇండ్లల్లో తనిఖీలు

Advertisement

Latest News