ఏపీ లిక్కర్‌స్కామ్‌ కేసులో సిట్‌ దూకుడు..!

హైదరాబాద్‌ TPN:

ఏపీ లిక్కర్‌ స్కామ్‌ కేసులో భాగంగా హైదరాబాద్‌లో సిట్‌ విచారణ కొనసాగుతోంది. లిక్కర్‌స్కామ్‌లో కీలక పాత్రధారిగా ఉన్న కసిరెడ్డి రాజశేఖర్‌రెడ్డి కంపెనీల్లో సిట్‌ సోదాలు కొనసాగుతున్నాయి. ఆ కంపెనీల్లో జరిగిన ఆర్థిక లావాదేవీల్ని సిట్ అధికారులు పరిశీలిస్తున్నారు. వైసీపీ ప్రభుత్వ హయాంలో కసిరెడ్డి పలు కంపెనీలు స్థాపించారు. ఇకపోతే.. సిట్‌ అధికారులు నాలుగోసారి కసిరెడ్డికి నోటీసులు జారీ చేశారు. ఈ నెల 19న సిట్ ఎదుట హాజరు కావాలని నోటీసుల్లో పేర్కొన్నారు. ఈ కేసుకు సంబంధించి మూడు రోజులుగా హైదరాబాద్‌లో సిట్ అధికారులు సోదాలు నిర్వహిస్తున్నారు. ఇప్పటికే పలు ఆధారాలు సేకరించినట్లు తెలుస్తోంది.