జర్నలిస్టుల ఇళ్ల స్థలాల సాధనే లక్ష్యంగా పని చేస్తాం: JCHSL కార్యవర్గం

By Ravi
On
జర్నలిస్టుల ఇళ్ల స్థలాల సాధనే లక్ష్యంగా పని చేస్తాం: JCHSL కార్యవర్గం

హైదరాబాద్, ఖైరతాబాద్‌లోని విశ్వేశ్వరయ్య భవన్‌లో "ది జర్నలిస్ట్ కో-ఆపరేటివ్ హౌసింగ్ సొసైటీ లిమిటెడ్ (JCHSL)" జనరల్ బాడీ సమావేశం సొసైటీ అధ్యక్షుడు బ్రహ్మాండభేరి గోపరాజు అధ్యక్షతన ఈ రోజు జరిగింది. గత నాలుగు సంవత్సరాలుగా పర్సన్ ఇన్‌చార్జ్ ఆధీనంలో ఉన్న సొసైటీకి ఇటీవల జరిగిన ఎన్నికల ద్వారా కొత్త కార్యవర్గం ఏర్పడిన నేపథ్యంలో ఐదు ఏళ్ల తర్వాత ఈ సమావేశం నిర్వహించడం విశేషం.

సమావేశంలో గత ఐదు సంవత్సరాల ఆడిట్ రిపోర్ట్‌ను సభ్యుల సమక్షంలో చదివించి ఆమోదం పొందారు. ఈ సందర్భంగా సొసైటీ సభ్యులు ప్రభుత్వం తక్షణం స్పందించి జర్నలిస్టులకు ఇళ్ల స్థలాలు మంజూరు చేయాలని డిమాండ్ చేశారు. జర్నలిస్టుల ఇళ్ల స్థలాల సాధన కోసం ప్రభుత్వం, సంబంధిత శాఖలతో నిరంతరం సంప్రదింపులు జరిపేందుకు కార్యవర్గం కట్టుబడి పనిచేయాలని తీర్మానించారు.అలాగే, సొసైటీ ఆస్తుల పరిరక్షణ, జర్నలిస్టుల కాలనీల అభివృద్ధి, సంక్షేమ కార్యక్రమాల అమలుపై మరింత శ్రద్ధ తీసుకుని పనిచేయాలని నిర్ణయించారు.

ఈ సమావేశంలో సొసైటీ కార్యదర్శి మిక్కిలినేని రవీంద్రబాబు, ఉపాధ్యక్షులు మాసాదే లక్ష్మీనారాయణ, జాయింట్ సెక్రటరీ డా. చల్లా భాగ్యలక్ష్మి, ట్రెజరర్ భీమగాని మహేశ్వర్ గౌడ్, డైరెక్టర్లు డి. కమలాకరాచార్య, హాష్మీ, డి. వెంకటాచారి, స్వేచ్చ తదితరులు పాల్గొన్నారు. సభ్యులు పెద్ద సంఖ్యలో హాజరై సమావేశాన్ని విజయవంతం చేశారు.

Advertisement

Latest News

తొట్టంబేడు సబ్ రిజిస్టర్ కార్యాలయంలో ఎమ్మెల్యే సుధీర్ రెడ్డి ఆకస్మిక తనిఖీ తొట్టంబేడు సబ్ రిజిస్టర్ కార్యాలయంలో ఎమ్మెల్యే సుధీర్ రెడ్డి ఆకస్మిక తనిఖీ
తిరుపతి జిల్లా శ్రీకాళహస్తి నియోజకవర్గంలోని తొట్టంబేడు జాయింట్ సబ్ రిజిస్ట్రార్ కార్యాలయంలో బుధవారం స్థానిక ఎమ్మెల్యే బొజ్జల సుధీర్ రెడ్డి ఆకస్మిక తనిఖీ చేపట్టారు. కార్యాలయంలో అవినీతి...
శరత్ సిటీ మాల్ వెనుక అపార్ట్మెంట్‌లో డ్రగ్స్ పట్టివేత
సినీ నటుడు రాజ్ తరుణ్ ఇంటి వద్ద హైడ్రామా
నాన్ డ్యూటీ లిక్కర్‌పై దాడులు పెంచండి : ఆర్ఆర్ ఎక్సైజ్ డిప్యూటీ కమిషనర్
జనసేన ఆధ్వర్యంలో అంబలి ప్రసాదం వితరణ..!
అఫ్గానిస్థాన్‌లో భారీ భూకంపం..
అక్రమ వలసదారులకు ట్రంప్ బంపర్ ఆఫర్..