న్యూఢిల్లీ: కేంద్ర ఆరోగ్య కుటుంబ సంక్షేమ శాఖ సహాయ మంత్రి ప్రతాప్ రావు జాదవ్ శుక్రవారం వెల్లడి చేశారు, నేషనల్ ప్రోగ్రాం ఫర్ ద కంటైన్‌మెంట్ ఆఫ్ ఆంటీమైక్రోబియల్ రెసిస్టెన్స్ (NAP-AMR) కింద ఆంధ్రప్రదేశ్ లో మూడు ప్రముఖ మెడికల్ కాలేజీల్లో మైక్రోబయాలజీ ల్యాబొరేటరీలను ఏర్పాటు చేయబడ్డాయి. ఈ ల్యాబొరేటరీలు గుంటూరు మెడికల్ కాలేజీ, ఆంధ్ర మెడికల్ కాలేజీ విశాఖపట్టణంలో మరియు ఎస్.డి మెడికల్ కాలేజీ తిరుపతిలో ఉన్నాయి.
విజయవాడ ఎంపీ కేశినేని శివనాథ్ (చిన్ని) మరియు వైజాగ్ ఎంపీ మతుకుమిల్లి శ్రీభరత్ కేంద్ర ఆరోగ్య కుటుంబ సంక్షేమ మంత్రిత్వ శాఖ నుండి యాంటీమైక్రోబయాలజీ సంబంధిత వివరాలను లోక్ సభ లో అడిగిన ప్రశ్నకు శుక్రవారం మంత్రివర్గ సభ్యుడు ప్రతాప్ రావు జాదవ్ లిఖితపూర్వకంగా సమాధానం ఇచ్చారు.
యాంటీమైక్రోబయాలీ రెసిస్టెన్స్ (AMR) సర్వైలెన్స్ కోసం 60 ప్రయోగశాలలు దేశవ్యాప్తంగా ఏర్పాటయ్యాయని, అటువంటి ప్రయోగశాలలు NAP-AMR కింద 14 రాష్ట్రాల్లో అభివృద్ధి చేయబడ్డాయని ఆయన వివరించారు.
ఈ కార్యక్రమాల ద్వారా యాంటీబయాటిక్స్ పై అవగాహన కల్పించడం, దుర్వినియోగాన్ని నివారించడం కోసం 12 స్థానిక భాషల్లో పోస్టర్లు, వీడియోలు మరియు రేడియో జింగిల్స్ రూపొందించి, వాటిని వివిధ రాష్ట్రాలకు పంపించారని తెలిపారు.
అంతేకాకుండా, 2021-22లో రూ. 666.89 లక్షలు, 2022-23లో రూ. 777.81 లక్షలు, 2023-24లో రూ. 919 లక్షలు యాంటీమైక్రోబయాలజీ రెసిస్టెన్స్ శిక్షణ కార్యక్రమాల కోసం కేటాయించారని వివరించారు.
NARS-Net (నేషనల్ యాంటీమైక్రోబయాలజీ రెసిస్టెన్స్ సర్వైలెన్స్ నెట్‌వర్క్) కింద 60 ప్రయోగశాలలు అభివృద్ధి చేయబడ్డాయని మరియు 2017-2023 మధ్య 9 ముఖ్యమైన సూక్ష్మజీవాలను పరిశీలించడంతో, AMR సర్వైలెన్స్ నిర్వహించబడింది.
Indian Council of Medical Research (ICMR) మరియు టాటా మెడికల్ సెంటర్ సంయుక్తంగా 2021లో AMR పై అవగాహన పెంచేందుకు నిర్వహించిన సర్వే విషయంలో కూడా మంత్రివర్గ సభ్యుడు స్పందించారు.
ఈ చర్యలు ప్రజల్లో AMR పై అవగాహన పెంచడానికి, యాంటీబయాటిక్స్ దుర్వినియోగాన్ని నివారించడానికి ప్రభుత్వ కృషిని మరోసారి స్పష్టం చేశాయి.
.jpeg)
1.jpg)
