విశాఖపట్నం: రేంజ్ డీఐజీ శ్రీ గోపీనాథ్ జట్టి, ఐపీఎస్, రేంజ్ పరిధిలోని అన్ని జిల్లాల ఎస్పీలు మరియు ఇతర పోలీసు అధికారులతో వీడియో కాన్ఫరెన్స్ నిర్వహించారు. ఈ సమావేశంలో గంజాయి అక్రమ రవాణా, వినియోగం, నిందితుల అరెస్టు, ఆస్తుల జప్తు మరియు డీ-అడిక్షన్ కార్యక్రమాలపై సమగ్రంగా చర్చించారు.
డీఐజీ గోపీనాథ్ జట్టి గారు, గంజాయి అక్రమ రవాణా నిరోధానికి సమగ్ర చర్యలు తీసుకోవాలని ఆదేశించారు. "గంజాయి అక్రమ రవాణా లబ్ధిదారుల ఆస్తులను త్వరితగతిన గుర్తించి జప్తు చేయాలి," అని ఆయన అన్నారు. గంజాయి వినియోగదారులను గుర్తించి, వారికి కౌన్సెలింగ్ అందించాలని, ప్రజల సహకారంతో సమగ్ర సమాచారం సేకరించాలని కూడా సూచించారు.
డీఐజీ గోపీనాథ్ జట్టి, "ఇప్పటి వరకు 296 మంది గంజాయి బాధితులను డీ-అడిక్షన్ సెంటర్లకు పంపించి చికిత్స అందిస్తున్నాం," అని తెలిపారు. "విశాఖపట్నం రేంజ్ పరిధిలో 24 కొత్త చెక్ పోస్ట్‌లను ఏర్పాటు చేసి విస్తృత తనిఖీలు చేపట్టాలి," అని ఆయన పేర్కొన్నారు.
మరో కీలక అంశంగా, గంజాయి కేసుల్లో ఉన్న నిందితులను వెంటనే అరెస్ట్ చేసి, వారిపై ఉన్న ఎన్.బి.డబ్ల్యూ (NBW) లను ఎగ్జిక్యూట్ చేయాలని ఆయన ఆదేశించారు. కేసుల దర్యాప్తును వేగవంతం చేసి, చార్జ్‌షీట్లు తక్షణమే దాఖలు చేయాలని సూచించారు.
ఫోక్సో కేసుల్లో బాధితులకు ప్రభుత్వ పరిహారం త్వరగా అందించాలంటూ, మహిళలు, చిన్నారుల భద్రత కోసం ప్రత్యేక చర్యలు తీసుకోవాలని అన్నారు. శక్తి యాప్ మరియు శక్తి బృందాల వినియోగాన్ని ప్రోత్సహించాలని, సీసీటీవీ, డ్రోన్ల ద్వారా ఆధునిక సాంకేతికతను ఉపయోగించి నేరాలను ఛేదించవచ్చని చెప్పారు.
ఈ సమావేశంలో విశాఖపట్నం రేంజ్ డీఐజీ శ్రీ గోపీనాథ్ జట్టి, ఐపీఎస్, జిల్లా ఎస్పీలు, శ్రీ కెవి మహేశ్వర్ రెడ్డి, శ్రీ తుహిన్ సిన్హా, శ్రీ అమిత్ బర్దర్, శ్రీ వకుల్ జిందాల్, శ్రీ మాధవ రెడ్డి మరియు ఇతర పోలీసు అధికారులు పాల్గొన్నారు.
Advertisement
.jpeg)
