మత్స్యకారుల సమస్యల కోసం కేంద్ర మంత్రి సర్బానంద సోనోవాల్ని కలిసిన కేంద్ర మంత్రి రామ్మోహన నాయుడు.

శ్రీకాకుళం జిల్లా 11/10/25

శ్రీకాకుళంలో మత్స్యకారుల కోసం సముద్ర మౌలిక సదుపాయాల అవసరం గురించి గౌరవనీయులైన కేంద్ర పోర్ట్స్ , షిప్పింగ్ మరియు జలమార్గాల మంత్రి శ్రీ సర్బానంద సోనోవాల్ గారిని కలిసాము. సుమారు 150 కిలోమీటర్ల తీరప్రాంతం ఉన్నప్పటికీ, సరైన సౌకర్యాలు లేకపోవడం వల్ల ఈ ప్రాంతం నుండి చాలా మంది మత్స్యకారులు జీవనోపాధి కోసం పశ్చిమ తీరప్రాంత రాష్ట్రాలైన గుజరాత్, కేరళ మరియు కర్ణాటకకు వలస వెళ్ళవలసి పరిస్థితులను వివరించాము.

ఈ దీర్ఘకాలిక సమస్యను పరిష్కరించడం కోసం,  సంతబొమ్మలి మండలంలోని భావనపాడు గ్రామంలో ఒక ఫిషింగ్ హార్బర్‌ను నిర్మించాలని, వజ్రపుకోత్తూరు మండలంలోని మంచినీళ్లుపేట మరియు గారా మండలంలోని కళింగపట్నంలో ఫిషింగ్ జెట్టీలను నిర్మించాలని కోరాము.ఈ ప్రాజెక్టులు వల్ల స్థానిక ఉపాధి అవకాశాలను సృష్టించడంతో పాటు వలసలను తగ్గించడంలో మరియు తీరప్రాంత ఆర్థిక వ్యవస్థను బలోపేతం చేయడంలో కీలక పాత్ర పోషిస్తాయి. సానుకూలంగా స్పందించిన శ్రీ సర్బానంద సోనోవాల్ గారికి నా ధన్యవాదాలు తెలియజేస్తున్నాను.  అని ఒక ప్రకటనలో కేంద్ర మంత్రి రామ్మోహన్ నాయుడు తెలిపారు.