తెలంగాణ మెడ్చల్

తూంకుంటలో హైడ్రా కూల్చివేతలు..

By Ravi

On 31 May 2025 16:12:22

తూంకుంటలో హైడ్రా కూల్చివేతలు..

మేడ్చల్ జిల్లా: తూంకుంట మున్సిపల్ లో హైడ్రా అధికారులు అక్రమ కట్టడాలను శనివారం కూల్చివేశారు. తూంకుంటలోని నార్త్ పార్క్ లో గల వెంచర్ లో కబ్జాకు గురైన 30 ఫీట్లు రోడ్డు, 2200 గజాల పార్కు స్థలంతో పాటు 4 ఫ్లాట్లను కొందరు ఆక్రమించి కబ్జా చేసి అందులో ఒక ఇంటి నిర్మాణం, ప్రహరీ గోడ ఏర్పాటు చేశారు. నార్త్ పార్క్ అవెన్యూ ఫ్లాట్ ఓనర్స్ వెల్ఫేర్ అసోసియేషన్ సభ్యులు హైడ్రకు ఫిర్యాదు చేయగా స్పందించిన హైడ్రా అధికారులు ఇన్ స్పెక్టర్ నరేష్ ఆధ్వర్యంలో సిబంది సహాయంతో అక్రమంగా నిర్మించిన రెండు గదులు, ప్రహరీ గోడను కూల్చి వేశారు. ఈ కార్యక్రమంలో టౌన్ ప్లానింగ్ ఆఫీసర్ శ్రీధర్, శానిటరీ ఇన్ స్పెక్టర్ రూప, టౌన్ ప్లానింగ్ సిబ్బంది, వార్డు ఆఫీసర్లు, పోలీస్ సిబ్బంది తదితరులు పాల్గొన్నారు.

Tags: #hydraaa#thumkuntamunsipal#