తెలంగాణ హైదరాబాద్ తెలంగాణ మెయిన్

పాతబస్తీలో భజరంగ్‌దళ్ భారీ బైక్ ర్యాలీ

By Ravi

On 12 Apr 2025 12:16:58

పాతబస్తీలో భజరంగ్‌దళ్ భారీ బైక్ ర్యాలీ

హైదరాబాద్ పాతబస్తీలో హనుమాన్ జయంతి సందర్భంగా గౌలిపుర డివిజన్‌లోని ఆలే నరేంద్ర స్పోర్ట్స్ కాంప్లెక్స్ నుంచి విశ్వహిందూ పరిషత్ మరియు బజరంగ్‌దళ్ ఆధ్వర్యంలో వీర హనుమాన్ విజయ బైక్ ర్యాలీ నిర్వహించారు. ఈ కార్యక్రమానికి ముఖ్య అతిథిగా సౌత్ జోన్ డీసీపీ స్నేహమెహర హాజరై ప్రత్యేక పూజ నిర్వహించిన అనంతరం జెండా ఊపి బైక్ ర్యాలీ ప్రారంభించారు. ఈ బైక్ ర్యాలీలో నలుమూలల నుంచి వేలాదిమంది భక్తులు, యువకులు కాషాయం జెండాలతో జైశ్రీరామ్‌ నినాదాతో కన్నుల పండుగగా బైక్ ర్యాలీ ముందుకు సాగింది. ఈ బైక్ ర్యాలీ సందర్భంగా పాతబస్తీలోని ఎక్కడ ఎలాంటి అవాంఛనీయ ఘటనలకు తావు లేకుండా సౌత్ జోన్ డీసీపీ స్నేహమెహర నేతృత్వంలో అడుగడుగున సీసీ కెమెరాలతో బైక్ ర్యాలీ కదలికలను పరిశీలిస్తూ భారీ బందోబస్తు నిర్వహించారు. ఈ కార్యక్రమంలో అదనపు డీసీపీ ఎండీ జావిద్, ఛత్రినాక ఏసీపీ సీహెచ్‌ చంద్రశేఖర్, ఛత్రినాక సీఐ నాగేంద్ర ప్రసాద్ వర్మ, మొగల్‌పుర సీఐ శ్రీనుతోపాటు పోలీస్ సిబ్బంది పాల్గొన్నారు.

Tags: #పాతబస్తీ #భజరంగ్‌దళ్ #బైక్ర్యాలీ #హనుమాన్జయంతి #విశ్వహిందూపరిషత్ #జైశ్రీరామ్ #స్నేహమెహర #హైదరాబాద్ #కాషాయజెండాలు #బందోబస్తు #CCకెమెరాలు #ర్యాలీఉత్సవం #PoliceSecurity #BikeRally #OldCityHyderabad #VHP #HanumanJayanti2025