మంటల్లో చిక్కుకున్న ఓ కుటుంబాన్ని తమ ప్రాణాలు సైతం పణంగా పెట్టి కాపాడిన ఫైర్ సిబ్బందిని జనం అభినందనలతో ముంచెత్తారు. అఫ్జల్ గంజ్ గోల్ మసీదు సమీపంలోని ఓ భవనంలోని మూడో అంతస్తులో అగ్నిప్రమాదం జరిగిందని స్థానికులు పోలీసులకు సమాచారం అందించారు. విషయం తెలియగానే హుటాహుటిన అగ్నిమాపక సిబ్బంది 6 ఫైర్ ఇంజన్లతో అక్కడికి చేరుకున్నారు. ఇరుకైన ఆ బస్తీలోకి వెళ్లడం చాలా కష్టం అయ్యింది. అప్పటికే ఆ మూడో అంతస్తు నుండి రక్షించండి అంటూ కేకలు వినపడుతున్నాయి. చుట్టూ వున్న జనం చూస్తుండిపోయారు తప్ప చేసేది ఏమిలేదు. ఎలాగోలా స్పాట్ కి వచ్చిన ఫైర్ సిబ్బంది ఆ ఇంట్లో ఉన్న నలుగురిని సురక్షితంగా ప్రాణాలు కాపాడారు. బాధితుల్లో 80ఏళ్ల వృద్ధురాలితో పాటు, నెలలు నిండని పసికందు ఉంది. మంటలు సైతం లెక్క చేయకుండా లోపలికి వెళ్లిన సిబ్బంది వారికి ఎలాంటి చిన్న గాయం కాకుండా బయటకి తీసుకు వచ్చారు. ఫైర్ సిబ్బంది సాహసాల వీడియోస్ సోషల్ మీడియాలో పోస్ట్ చేసిన జనం, నెటిజన్లు అభినందనలతో ముంచెత్తారు. అమ్మ జన్మ ఇస్తే ఫైర్ సిబ్బంది పునర్జన్మ ఇచ్చారంటూ బాధిత కుటుంబ సభ్యులు ధన్యవాదాలు తెలిపారు.
.jpeg)
