కార్తీక్ సుబ్బరాజ్‌తో నాని ప్రాజెక్ట్?

నేచురల్ స్టార్ నాని లేటెస్ట్ మూవీ హిట్ 3 ప్రమోషన్స్‌లో బిజీగా ఉన్నాడు. పాన్ ఇండియా భాషల్లో రిలీజ్ అవుతున్న ఈ సినిమాను ఇతర భాషల్లోనూ ప్రమోట్ చేస్తున్నాడు నాని. ఇక ఈ సినిమాను మే 1న గ్రాండ్ రిలీజ్‌కు రెడీ చేశాడు. ఈ సినిమా ప్రమోషన్స్‌లో భాగంగా నాని కొన్ని ఇంట్రెస్టింగ్ కామెంట్స్ చేశాడు. కోలీవుడ్ డైరెక్టర్ కార్తీక్ సుబ్బరాజ్ తో నాని ఓ ప్రాజెక్ట్ విషయంలో చర్చలు చేస్తున్నారట. కార్తీక్ నానితో ఓ ఇంట్రెస్టింగ్ సబ్జెక్ట్ ను షేర్ చేశారని, దానిని ఎలా ముందుకు తీసుకెళ్తే బావుంటుందో అనే టాపిక్ పై నాని ఆలోచిస్తున్నారని అన్నారు. 

ఈ క్రమంలో నాని.. కార్తీక్ సుబ్బరాజ్ తెరకెక్కించే సినిమాలు తనకు చాలా బాగా నచ్చుతాయని తెలిపాడు. కాగా కార్తీక్ సుబ్బరాజ్ డైరెక్ట్ చేసిన రెట్రో మూవీ కూడా మే 1న రిలీజ్ అవుతుండటంతో ఆ సినిమా కూడా బాగా ఆడాలని నాని కోరాడు. ఇక త్వరలోనే ఈ కాంబోకి సంబంధించి ఓ అఫీషియల్ అప్డేట్ రావచ్చని అభిమానులు ఆశిస్తున్నారు. కాగా హిట్ 3 మూవీలో కన్నడ భామ శ్రీనిధి శెట్టి హీరోయిన్‌గా నటిస్తుండగా శైలేష్ కొలను డైరెక్ట్ చేస్తున్నాడు. మరి ఈ మూవీ ఎలా ఆడియన్స్ ని ఎంటర్ టైన్ చేస్తుందనేది తెలియాల్సి ఉంది.