పెద్ది ఫస్ట్ షాట్ ను క్రియేట్ చేసింది ఎవరంటే?

గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ పెద్ది. ఈ మూవీ ఫస్ట్ గ్లింప్స్ ఓ రేంజ్ లో అంచనాలు క్రియేట్ చేసిందో మనం చూశాం. ఈ సినిమాను డైరెక్టర్ బుచ్చిబాబు సానా డైరెక్ట్ చేస్తుండగా రూరల్ స్పోర్ట్స్ డ్రామాగా ఈ సినిమాని తెరకెక్కిస్తున్నారు. ఇక ఈ సినిమా నుంచి రీసెంట్ గా రిలీజ్ అయిన ఫస్ట్ షాట్ గ్లింప్స్‌కు సాలిడ్ రెస్పాన్స్ దక్కింది. అయితే, ఈ ఫస్ట్ షాట్ గ్లింప్స్‌లో రామ్ చరణ్ క్రికెట్ ఆడే ఓ షాట్ బాగా వైరల్ అయ్యింది. సోషల్ మీడియాలో ఆ షాట్‌కు అభిమానుల నుంచి మంచి క్రేజ్ దక్కింది. దీంతో అసలు ఈ వైరల్ షాట్‌ను ఎవరు డిజైన్ చేశారా అని అందరూ అడుగుతున్నారు. 

లేటెస్ట్ గా దీనిపై దర్శకుడు బుచ్చిబాబు సానా క్లారిటీ ఇచ్చాడు. ఈ షాట్‌ను డిజైన్ చేసింది యాక్షన్ కొరియోగ్రాఫర్ మైబమ్ నాబ కంఠ. ఆయన గతంలో పుష్ప 2 లోని జాతర సీక్వెన్స్‌ను కంపోజ్ చేశారు. ఇప్పుడు పెద్ది సినిమాలో ఆయన తనదైన మార్క్‌తో కంపోజ్ చేసిన క్రికెట్ షాట్ కూడా బాగా వైరల్ కావడంతో, ఈ సినిమాలో ఆయన ఇంకా ఎలాంటి యాక్షన్ సీక్వెన్స్ లు కంపోజ్ చేస్తారా అని అభిమానులు ఇంట్రెస్ట్ గా ఎదురు చూస్తున్నారు. ఇక ఈ సినిమాకి ఏఆర్ రెహమాన్ మ్యూజిక్ అందిస్తున్నారు.