తెలంగాణ హైదరాబాద్ తెలంగాణ మెయిన్

సన్‌రైజర్స్‌కి తప్పిన ముప్పు.. హుటాహుటీన తరలింపు..!

By Ravi

On 14 Apr 2025 18:56:29

సన్‌రైజర్స్‌కి తప్పిన ముప్పు.. హుటాహుటీన తరలింపు..!

హైద‌రాబాద్ బంజారాహిల్స్ రోడ్ నంబ‌ర్‌-2లోని పార్క్ హ‌య‌త్ హోట‌ల్లో అగ్నిప్రమాదం సంభవించింది. ఈ స్టార్ హోటల్ మొద‌టి అంత‌స్తులో ఒక్క‌సారిగా మంట‌లు వ్యాపించాయి. దాంతో హోట‌ల్ స్టాఫ్‌, గెస్టులు ఆందోళ‌న‌కు గుర‌య్యారు. భారీగా ఎగసిప‌డిన మంటల కార‌ణంగా ద‌ట్ట‌మైన పొగ‌లు క‌మ్మేశాయి. అప్ర‌మ‌త్త‌మైన హోటల్ యాజ‌మాన్యం వెంట‌నే అగ్నిమాప‌క సిబ్బందికి స‌మాచారం అందించింది. వారి స‌మాచారంతో ప్ర‌మాదస్థ‌లికి చేరుకున్న ఫైర్ సిబ్బంది, అగ్నిమాప‌క యంత్రాల‌తో మంట‌ల‌ను అదుపులోకి తీసుకొచ్చారు. కాగా.. ఈ ప్ర‌మాద స‌మ‌యంలో స‌న్‌రైజ‌ర్ హైద‌రాబాద్ ప్లేయ‌ర్లు ఆరో అంత‌స్తులో ఉన్నారు. వెంట‌నే ఆట‌గాళ్లు, వారి కుటుంబ‌స‌భ్యులు, స‌పోర్ట్ స్టాఫ్ అక్క‌డి నుంచి బ‌స్సులో సురక్షిత ప్రాంతానికి వెళ్లిపోయారు. ఇక ఈ ఐపీఎల్ సీజ‌న్ కోసం గ‌త కొన్నిరోజులుగా స‌న్‌రైజ‌ర్స్ ఆట‌గాళ్ల‌తోపాటు జ‌ట్టు మేనేజ్‌మెంట్ ఇక్క‌డే బ‌స చేస్తున్నారు. ఇవాళ్టి సంఘ‌ట‌న కార‌ణంగా వారు వెంట‌నే హోటల్ ఖాళీ చేసి వెళ్లిపోయారు.

Tags: #సన్‌రైజర్స్హైదరాబాద్ #అగ్నిప్రమాదం #పార్క్‌హయత్ #బంజారాహిల్స్ #IPL2025 #FireAccident #SunrisersHyderabad #FireSafety #EmergencyEvacuation #SportsNews #HyderabadNews #TeluguUpdates #CricketNews #SRH #IPLAlert