స్నేహితుడి కూతురిపై లైంగిక దాడి నిందితుడికి పదేళ్ల కఠిన కారాగార శిక్ష

పహడిషరీఫ్ పోలీస్ స్టేషన్ పరిధిలో ఒక వ్యక్తి తన అనారోగ్య కారణాల వల్ల తాత్కాలికంగా తన కూతురి సంరక్షణను కొన్ని రోజులు అతని స్నేహితుడికి అప్పగించగా, సదరు స్నేహితుడు ద్రోహ బుద్ధితో ఆ బాలికకు మాయ మాటలు చెప్పి, ఆమె పట్ల అసభ్యకరంగా ప్రవర్తించి, లైంగిక దాడికి పాల్పడిన సంఘటన Cr.NO 476/2021 కేసులో నిందితుడు సయ్యద్ హాజీ అలీ S/o దివంగత సయ్యద్ మహేద్ అలీ, వయస్సు: 43 సంవత్సరాలు, వృత్తి: ఆటో డ్రైవర్, షహీన్ నగర్, బాలాపూర్, రంగారెడ్డి జిల్లా వాసిని దోషిగా నిర్ధారించడం జరిగింది. పహడిషరీఫ్ పోలీస్ స్టేషన్ పరిధిలో నమోదైన ఈ కేసులో U/S 420,363,376 IPC & section 3&4 ఆఫ్ పోక్సో చట్టం మరియు పహడిషరీఫ్ స్టేషన్ SC NO 614/2022, అత్యాచారం మరియు పోక్సో చట్టం ప్రకారం ఎల్.బి.నగర్‌లోని రంగారెడ్డి జిల్లా గౌరవ ఫాస్ట్ ట్రాక్ ప్రత్యేక న్యాయమూర్తి గారు ఈ రోజు అనగా 04/04/2025 తేదీన నిందితుడిని దోషిగా నిర్ధారించారు. ఈ కేసులో నిందితుడికి పదేళ్ళ కఠిన కారాగార శిక్ష మరియు రూ.15,000/- జరిమానా విధించబడింది* మరియు *బాధితురాలికి రూ.5,00,000/- పరిహారం అందించబడింది.* ఈ కేసులో అదనపు పబ్లిక్ ప్రాసిక్యూటర్లు శ్రీమతి సునీత గారు మరియు డి.రఘు గారు వాదనలు వినిపించారు.