హైదరాబాద్ సెంట్రల్ యూనివర్సిటీ (HCU)లో మరోసారి అడవి ప్రాణులపై ముప్పు బయటపడింది. సౌత్ క్యాంపస్ హాస్టల్ ప్రాంతంలో ఓ జింకపై కుక్కల గుంపు దాడి చేయడంతో అది తీవ్రంగా గాయపడింది.
చెట్ల నరికివేత ప్రభావం యూనివర్సిటీలో ఇటీవల చెట్లను నరికివేయడం వల్ల అడవి ప్రాంతానికి చెందిన జింకలు ఇతర ప్రదేశాలకు వలస వెళ్లాల్సిన పరిస్థితి ఏర్పడింది. ఈ ప్రభావంతో ఓ జింక హాస్టల్ వైపు వచ్చేసింది. అక్కడే తిరుగుతుండగా, కుక్కల గుంపు దాడి చేసి దాన్ని గాయపరిచాయి.
తక్షణ స్పందన – చికిత్సకు తరలింపు ఈ ఘటనను గమనించిన యూనివర్సిటీ భద్రతా సిబ్బంది వెంటనే స్పందించారు. గాయపడిన జింకను తక్షణమే పశువుల ఆసుపత్రికి తరలించి చికిత్స అందిస్తున్నారు. ప్రస్తుతం జింక పరిస్థితి స్థిరంగా ఉందని వర్గాలు తెలిపాయి.
వన్యప్రాణుల రక్షణకు చర్యలు అవసరం ఈ ఘటన పట్ల విద్యార్థులు ఆందోళన వ్యక్తం చేస్తున్నారు. యూనివర్సిటీ పరిసరాల్లో అడవి ప్రాణుల సంరక్షణ కోసం తగిన జాగ్రత్తలు తీసుకోవాలని, వీటిపై మరింత అవగాహన కల్పించాల్సిన అవసరం ఉందని చెబుతున్నారు.
.jpeg)
