మేడ్చల్ జిల్లా, జూన్ 8: ఐడిపిఎల్ ఆదర్శనగర్‌లో యాంప్లిఫోన్ హియరింగ్ హెల్త్ కేర్ ఆధ్వర్యంలో ఉచిత ఆరోగ్య శిబిరం నిర్వహించబడింది. ఈ శిబిరంలో సుమారు 250 నుంచి 300 మంది వరకు ఉచితంగా ఆరోగ్య పరీక్షలు చేయించుకున్నారు.
ఈ సందర్భంగా డాక్టర్ అభిషేక్ చౌదరి మాట్లాడుతూ, “హైదరాబాద్‌లో మా 16 బ్రాంచ్‌ల ద్వారా ప్రజలకు నమ్మకమైన మరియు సమర్థవంతమైన చికిత్స అందిస్తున్నాం. ఉత్తమ వైద్యుల మార్గదర్శకత్వంతో ఆధునిక టెక్నాలజీ పరికరాల ద్వారా పరీక్షలు జరుగుతున్నాయి. ప్రజలకు మరింత చేరువ కావడమే మా ఉద్దేశ్యం,” అని తెలిపారు.
అదే విధంగా, హాస్పిటల్ ప్రత్యేకతను ప్రజలు ప్రత్యక్షంగా తెలుసుకునేందుకు ఈ హెల్త్ క్యాంప్ ఒక అవకాశం అని పేర్కొన్నారు. “ఒక్కసారి మా హాస్పిటల్‌కి వచ్చి, మా సేవలను పరిశీలించండి” అని ఆయన కోరారు.
ఈ కార్యక్రమం ఆదర్శనగర్ అధ్యక్షుడు శంకరయ్య, బి. శివ కుమార్ సమక్షంలో సజావుగా కొనసాగింది. డాక్టర్ జయ, మేనేజర్ శ్రీకాంత్, సజన్, కావలి వెంకటేష్‌తో పాటు కాలనీవాసులు భారీగా పాల్గొన్నారు.
.jpeg)
