ఆంధ్రప్రదేశ్ కృష్ణా

కృష్ణజిల్లా బంటుమిల్లి మండలంలో అక్రమ మట్టి వ్యాపారం

By Ravi

On 26 Mar 2025 09:58:29

కృష్ణజిల్లా బంటుమిల్లి మండలంలో అక్రమ మట్టి వ్యాపారం

కృష్ణజిల్లా బంటుమిల్లి మండలంలోని బాసినపాడు, ముంజులూరు, మణిమేశ్వరం గ్రామాల్లో అర్ధరాత్రి సమయంలో వందలాది టిప్పర్లు, ట్రాక్టర్లు అక్రమంగా మట్టిని తరలిస్తున్నారని గ్రామస్తులు ఆరోపిస్తున్నారు.

ఈ అక్రమ కార్యకలాపాలకు సంబంధించి స్థానిక అధికారులు ఎటు వైపు కన్నెత్తి చూడటం లేదని పలు ఆరోపణలు వినిపిస్తున్నాయి. కొంతమంది మట్టి వ్యాపారులు, అధికారులు, రాజకీయ నాయకుల సహకారంతో తమ అక్రమ వ్యాపారాలను కొనసాగిస్తున్నారు అని పేర్కొంటున్నారు.

ఈ నేపథ్యంలో, బంటుమిల్లి ఇన్చార్జి తహసిల్దార్ కాగిత పూర్ణచంద్రరావు వివరణ ఇచ్చారు. ఆయన మండల పరిధిలో మట్టి తవ్వకాలకు ఎటువంటి అనుమతులు లేవని స్పష్టం చేశారు. సిబ్బందిని పంపించి తగు చర్యలు తీసుకుంటామని చెప్పారు.

Tags: