ఇంట్రో సీన్స్ తో స్టార్ట్ చేయనున్న ఎన్టీఆర్ !

ప్రశాంత్ నీల్, ఎన్టీఆర్ కాంబోలో రానున్న సినిమాపై రోజుకొక న్యూస్ వినిపిస్తూనే ఉంది. ఈ సినిమా షూట్ ఈ నెల 22 నుంచి కొత్త షెడ్యూల్ స్టార్ట్ కానుంది. ఐతే, తాజాగా ఈ షెడ్యూల్ గురించి వినిపిస్తున్న అప్డేట్ ప్రకారం ఈ సినిమాలో ఎన్టీఆర్ ఎంట్రీ సీన్స్ ను షూట్ చేస్తారని టాక్. ఇక ఈ మూవీ టైటిల్ డ్రాగన్‌ అని టాక్. ఐతే, డ్రాగన్‌ సినిమాని ఎన్టీఆర్ కెరీర్ లోనే అత్యుత్తమ సినిమాల్లో ఒకటిగా చేయాలని ప్రశాంత్ నీల్ ప్రయత్నం చేస్తున్నారట. అందుకే, ఈ సినిమా స్క్రిప్ట్ కోసం ప్రశాంత్ నీల్ చాలా టైమ్ తీసుకున్నాడు. సో ఇప్పటి వరకూ ప్రశాంత్ నీల్ తీసిన అన్ని సినిమాల్లోకల్లా బెస్ట్ సినిమా ఇదే అవుతుందని అంచనాలు ఉన్నాయి. 

ఇక ఈ సినిమా గురించి ప్రశాంత్ నీల్ మాట్లాడుతూ.. ఆడియన్స్ ఊహించని స్థాయిలో ఈ మూవీని తీస్తున్నాను. ఎన్టీఆర్ పై అభిమానంతో ఈ సినిమా చేస్తున్నాను అని తెలిపారు. మొత్తానికి భారీ బడ్జెట్ తో వస్తున్న ప్రశాంత్ నీల్, ఎన్టీఆర్ సినిమా గురించి డైలీ ఏదొక రూమర్ వినిపిస్తూనే ఉంది. మైత్రీ మూవీ మేకర్స్, ఎన్టీఆర్ ఆర్ట్స్ కలిసి ఈ సినిమాని ప్రొడ్యూస్ చేస్తున్నారు అండ్ ఈ సినిమాకు రవి బస్రూర్ సంగీతం అందిస్తున్నారు.