టాలీవుడ్‌లో మోస్ట్ లవబుల్ కపుల్ అనగానే వెంటనే గుర్తొచ్చే పేర్లు విజయ్ దేవరకొండ, రష్మిక మందన్నా. వీరిద్దరి ఆన్-స్క్రీన్ కెమిస్ట్రీ ఎంతగా అలరించిందో, ఆఫ్‌-స్క్రీన్ రిలేషన్‌షిప్‌ పైన కూడా ఇండస్ట్రీలో ఏదోవిధంగా రకరకాల చర్చలు నడుస్తూనే ఉంటాయి. ఇటీవలే కాఫీ విత్ కరణ్ టాక్ షోలో పాల్గొన్న ఈ జంట తమ పర్సనల్ విషయాలును లవ్ జర్నీ గురించి కొన్నిఇంట్రస్టింగ్ విషయాలు పంచుకున్నారు.
అయితే ఆ షోకి సంబంధించిన చిన్న క్లిప్స్ సోషల్ మీడియాలో వైరల్ చేస్తూ .. నెటిజన్లు రకరకాలుగా విమర్శలు గుప్పించడం స్టార్ట్ చేశారు. ఈ ట్రోలింగ్‌పై తాజాగా విజయ్ దేవరకొండ, రష్మిక మందన్నా రియాక్ట్ అయి అలాంటివారికి గట్టి కౌంటర్ ఇచ్చారు.సోషల్ మీడియాలో జరుగుతున్న దుష్ప్రచారానికి చెక్ పెట్టడానికి.. విజయ్ దేవరకొండ రష్మికతో కలిసి ఉన్న ఒక అందమైన వీడియోను షేర్ చేస్తూ ఎమోషనల్ నోట్ రాసుకొచ్చారు.
నా ప్రాణ స్నేహితురాలు, నా వైఫ్, నా లవర్‌. నా జీవితంలో నేను పొందిన అత్యంత అద్భుతమైన భాగం తనే. మా గురించి రకరకాలుగా మాట్లాడుకునే వారందరికీ ఒక్కటే చెబుతున్నాం.. మేమిద్దరం చాలా సంతోషంగా ఉన్నాం.. మీరంతా మాపై చూపించే ప్రేమకు ఎప్పటికీ ధన్యులమే. అయితే లోకం అనుకునే ఆలోచనలకు మేం వ్యతిరేకంగా ఉన్నామనుకుంటే అలాగే కానివ్వండి. ఎలాంటి గౌరవం, దయ లేకుండా మాట్లాడేవాళ్లను పట్టించుకోమంటూ రష్మికను ఎత్తుకుని తిరుగుతున్న క్యూట్ వీడియోను నెట్టింట్లో షేర్ చేశారు.
అంతేకాదు ఈ టోటల్ ఎపిసోడ్‌పై రష్మిక మందన్నా కూడా చాలా క్లియర్‌గా తన ఒపీనియన్‌ను బయటపెట్టారు. విజయ్‌తో కలిసి జీవితాన్ని పంచుకోవాలని తామిద్దరం ఒకరినొకరం ఎంచుకున్నామని చెప్పింది. అతనికి పెళ్లి, కెరీర్ విషయంలో కాస్త టైమ్ కావాలని కోరుకోవడంలో తప్పేముందని.. తమ ఇద్దరి మధ్య ఉన్న లవ్‌ను కేవలం చిన్న చిన్న ప్రపోజల్స్‌తో కొలవలేరని క్లారిటీ ఇచ్చారు.
విజయ్ అంటే తనకు ప్రాణం అని, ఆయనపై తనకు ఆప్యాయత ఉందని రష్మిక చెప్పుకొచ్చింది. పెళ్లి చేసుకునే వ్యక్తిని ప్రేమించకపోతే ఇంకెవరిని ప్రేమిస్తామని ప్రశ్నించిన ఈ నేషనల్ క్రష్.. విజయ్ తనకు మంచి స్నేహితుడు, తన జీవిత భాగస్వామి కూడా అని చెప్పింది. దయచేసి తమ పర్సనల్ లైఫ్‌పై ఎలాంటి అనవసరమైన, తప్పుడు కామెంట్లు చేయవద్దంటూ ఆమె ఘాటుగానే బదులిచ్చింది. ఇలా తమపై వస్తున్న రూమర్లకు ఈ జంట తమదైన స్టైల్‌లో క్లారిటీ ఇవ్వడంతో.. ఇప్పుడు ఫ్యాన్స్‌ను ఖుషీ అవుతున్నారు.
https://x.com/iamRashmika/status/2114639624983453892?ref_src=twsrc%5Etfw