కొన్ని మూవీలు భారీ ట్విస్టులతో ఆడియన్స్ను ఆశ్చర్యపరుస్తాయి. మరికొన్ని మాత్రం సాధారణమైన స్టోరీ లైన్తోనే మనసులో ప్రత్యేక స్థానాన్ని సంపాదిస్తాయి. ఆకాశంలో ఒక తార(Aakasamlo Oka Tara) మూవీ.. రెండో కోవకు చెందినది. ఒక అమ్మాయి ఆకాశాన్ని అందుకోవాలనే కల, ఆ డ్రీమ్ను నిజం చేయడానికి ఆమెకు అండగా నిలిచే వ్యక్తి ప్రయాణమే ఈ చిత్రానికి మెయిన్ స్ట్రెంత్. దుల్కర్ సల్మాన్ యాక్షన్, భావోద్వేగ సన్నివేశాలు మూవీకి ప్రత్యేక ఆకర్షణగా నిలుస్తాయి.
కృష్ణ (దుల్కర్ సల్మాన్), కల్పన (సాత్విక వీరవల్లి)ని పెళ్లి చేసుకుంటాడు. వివాహం తర్వాత కల్పన ఏజ్ కేవలం 16 సంవత్సరాలని తెలుసుకుని కృష్ణ షాక్ అవుతాడు. చిన్నప్పటి నుంచి చదువుకోవాలని, ఫ్యూచర్లో వ్యోమగామి కావాలని కలలు కనే కల్పనకు ఫ్యామిలీ సిచ్యువేషన్స్ అడ్డంకిగా మారతాయి. ఆమె తండ్రి తన ఇష్టానికి వ్యతిరేకంగా పెళ్లి చేయడంతో ఆమె ఆశలన్నీ ఎగిరిపోతాయి. అయితే కల్పనలోని ప్రతిభను గుర్తించిన కృష్ణ, ఆమె డ్రీమ్ను నిజం చేయాలని నిర్ణయించుకుని.. దీని కోసం తన సౌకర్యాలను పక్కనపెట్టి కష్టపడతాడు. తన వైఫ్ డ్రీమ్ను అచీవ్ చేయడంలో ఎదురయ్యే సవాళ్లే మిగిలిన ఆకాశంలో ఒక తార(Aakasamlo Oka Tara) స్టోరీ.
ఈ మూవీ స్పెషాలిటీ కథలోని మానవ సంబంధాలే అని చెప్పాలి. భార్యాభర్తల అనుబంధం, తల్లీకూతుళ్ల ప్రేమ, తండ్రి, కూతుళ్ల మధ్య సంఘర్షణ, స్నేహం.. ఇలా అన్ని భావోద్వేగాలను దర్శకుడు చక్కగా మేళవించారు. దుల్కర్ సల్మాన్ ఎప్పటిలాగే తన నేచురల్ స్టైల్లో జివించి ఆడియన్స్ను ఆకట్టుకోగా, సాత్విక వీరవల్లి తన ఫస్ట్ పిక్చర్తోనే మంచి గుర్తింపు తెచ్చుకునేలా యాక్ట్ చేసింది. అలాగే శ్రుతి హాసన్, స్వాసిక, రుహానీ శర్మ తమ పాత్రలకు న్యాయం చేశారు.
జి.వి. ప్రకాష్ కుమార్ మ్యూజిక్.. భావోద్వేగ సన్నివేశాలను మరింత బలంగా నిలబెట్టిందన్న టాక్ నడుస్తోంది. సినిమాటోగ్రఫీ, అంతరిక్షానికి సంబంధించిన విజువల్స్ కూడా అందరినీ బాగా ఆకట్టుకుంటాయి. రాకెట్ ప్రయోగాల సన్నివేశాలను డైరెక్టర్ ఆసక్తికరంగా తెరకెక్కించారు.
అయితే స్టోరీలోని ట్విస్ట్లను ముందుగానే ఊహించే అవకాశం ఉండటంతో పాటు, కొన్ని చోట్ల రైటింగ్ వీక్గా అనిపించడం ఆకాశంలో ఒక తార మూవీకి మైనస్. అయినా కూడా అమ్మాయిల చదువు, మహిళల ఆశయాలు అనే మంచి మెసేజ్ను కుటుంబ భావోద్వేగాలతో చెప్పిన చిత్రం ఇది అన్న కామెంట్లు మూవీకి ప్రాణం పోసాయి. మొత్తంగా పెద్ద ట్విస్టుల కంటే మంచి ఎమోషన్స్ను కోరుకునే ప్రేక్షకులకు ఆకాశంలో ఒక తార మంచి సెలక్షన్ అనే చెప్పొచ్చు.
