బాక్సాఫీస్ వద్ద రికార్డులను తిరగరాయడం, తన రికార్డులను తానే బ్రేక్ చేసుకోవడం సూపర్ స్టార్ రజనీకాంత్‌కే చెల్లింది. దసరా పండుగ సందర్బంగా.. థియేటర్లలోకి వచ్చిన లేటేస్ట్ మూవీ ‘జైలర్ 2’ ఫస్ట్ డే నుంచే కలెక్షన్ల వర్షాన్ని కురిపిస్తోంది. విడుదలైన ఆరు రోజుల్లోనే వరల్డ్ వైడ్‌గా రూ. 541 కోట్ల గ్రాస్ కలెక్షన్లను రాబట్టి బాక్సాఫీస్ రారాజు తానేనని మరోసారి ప్రూవ్ చేసుకున్నారు. అద్భుతమైన వసూళ్లతో 2026 సంవత్సరంలో అత్యధిక రాబడి సాధించిన ఇండియన్ మూవీల లిస్ట్‌లో ‘జైలర్ 2’ టాప్‌ దిశగా దూసుకుపోతోంది.
డైరెక్టర్ నెల్సన్ దిలీప్‌కుమార్ తెరకెక్కించిన ఈ యాక్షన్ ఎంటర్‌టైనర్ ఆరో రోజు అయిన మంగళవారం కూడా తగ్గేదేలే అన్నట్లు రూ. 45.55 కోట్ల నెట్ వసూలు చేసింది. దీంతో దేశీయంగా మొత్తం నెట్ కలెక్షన్స్ రూ. 287.80 కోట్లకు (దాదాపు రూ. 337 కోట్ల గ్రాస్) చేరాయి. పండుగ సెలవుల కలిసిరావడం ఈ మూవీకి పెద్ద ప్లస్ పాయింట్‌గా మారింది. మరోవైపు ఓవర్సీస్ మార్కెట్‌లో కూడా తలైవా క్రేజ్ ఏమాత్రం తగ్గలేదని ప్రూవ్ చేసేలా విదేశాల నుంచి రూ. 204 కోట్ల గ్రాస్ లభించింది.
ప్రస్తుతం 2026లో బాక్సాఫీస్ వద్ద అత్యధిక వసూళ్లు సాధించిన సినిమాల్లో’ధురంధర్ 2′ ..రూ. 1,800 కోట్లకు పైగా కలెక్షన్‌తో , దృశ్యం 3 రూ. 556 కోట్లతో ఉండగా తాజాగా జైలర్ 2 మూడో స్థానంలో నిలిచింది. 2023 నాటి ఇండస్ట్రీ హిట్ ‘జైలర్’కు సీక్వెల్‌గా వచ్చిన ఈ మూవీలో రజనీకాంత్ పవర్‌ఫుల్ ‘టైగర్ ముత్తువేల్ పాండియన్’ రోల్‌లో ఆకట్టుకోగా, రమ్యకృష్ణ, విద్యాబాలన్, మిథున్ చక్రవర్తి, యోగిబాబు నటన, అనిరుధ్ అందించిన బ్యాక్‌గ్రౌండ్ మ్యూజిక్ ఆడియన్స్‌ను థియేటర్లకు రప్పిస్తోంది. ఇదే స్పీడ్ రానున్న రోజుల్లో కొనసాగితే ఫస్ట్ పార్ట్ సాధించిన లైఫ్‌టైమ్ రికార్డులను ‘జైలర్ 2’
ఈజీగా క్రాస్ చేస్తుందని ట్రేడ్ విశ్లేషకులు ధీమా వ్యక్తం చేస్తున్నారు.