మాజీ ముఖ్యమంత్రి, వైసీపీ అధినేత వైఎస్ జగన్ మోహన్ రెడ్డి కంచుకోట కోట అయిన పులివెందుల మున్సిపాలిటీలో ఓట్ల కౌంటింగ్ ఆపాలంటూ వైఎస్సార్సీపీ చేసిన చివరి ప్రయత్నానికి ఏపీ హైకోర్టు చెక్ పెట్టింది. పులివెందుల మున్సిపల్ ఎలక్షన్స్‌లో రిగ్గింగ్ జరిగిందని, అక్కడ అన్ని వార్డుల్లోనూ మళ్లీ ఓటింగ్ జరిపిన తర్వాతే కౌంటింగ్ చేపట్టాలని వైసీపీ చైర్‌పర్సన్ అభ్యర్థి వైఎస్ ప్రమీల అలాగే ఎంపీ అవినాష్ రెడ్డి వేసిన పిటిషన్లను న్యాయస్థానం తిరస్కరించింది.
నవంబర్ 3 వ తేదీ మంగళవారం ఉదయం న్యాయమూర్తి జస్టిస్ ఎం. కిరణ్మయి బెంచ్ వెలువరించిన ఈ కీలక తీర్పుతో పులివెందులలో రసవత్తరంగా మారిన పురపోరు ఫలితాల లెక్కింపునకు అడ్డంకులు పూర్తిగా తొలగిపోయినట్లు అయింది. పోలింగ్ రోజు అధికార పార్టీ బూత్ ఆక్రమణలకు పాల్పడిందని, తమ వద్ద ఉన్న ప్రూఫ్స్ బట్టి మొత్తం రీపోలింగ్ వేయాలని వైఎస్సార్సీపీ తరఫు న్యాయవాదులు కోర్టులో గట్టిగా పోరాడినా కూడా ఫలితం లేకుండా పోయింది.
రాష్ట్ర ఎన్నికల సంఘం విజ్ఞప్తిని పరిగణనలోకి తీసుకున్న ఆంధ్రప్రదేశ్ హైకోర్ట్.. ఇప్పటికే ఫిర్యాదులు వచ్చిన నాలుగు వార్డుల్లో రీపోలింగ్ ప్రాసెస్ పూర్తి చేశారని, అంతకుమించి మొత్తం మున్సిపాలిటీ ఎలక్షన్స్‌ను రద్దు చేయడం కుదరదని తేల్చి చెప్పింది. అలాగే లెక్కింపు ప్రాసెస్‌ను ఆపివేయడం కానీ సాధ్యపడదని స్పష్టం చేసింది.
ధర్మాసనంలో వైసీపీ పిటిషన్లు కొట్టివేతకు గురవ్వడంతో ఏపీవ్యాప్తంగా మిగిలిన పురపాలక సంఘాలతో పాటు.. పులివెందులలో కూడా కౌంటింగ్ హడావుడి మొదలైంది. ఇక కాసేపట్లో ఓట్ల పెట్టెల్లో నుంచి బయటకు రాబోయే ప్రజా తీర్పుతో.. పులివెందులలో ఎవరి జెండా ఎగురుతుందో అని రాజకీయ వర్గాల్లో, ఏపీ వ్యాప్తంగా విపరీతమైన ఉత్కంఠ నెలకొంది.