ఆంధ్రప్రదేశ్‌లో పట్టణ స్థానిక సంస్థల్లో సత్తా చాటడానికి ప్రధాన రాజకీయ పార్టీలు సిద్ధమవుతున్న సమయంలో.. ఎన్నికల ప్రాసెస్‌లో అత్యంత కీలకమైన నామినేషన్ల పర్వానికి ఈరోజు అంటే అక్టోబర్ 16న శ్రీకారం చుట్టబోతున్నారు. రాష్ట్ర ఎన్నికల కమిషన్ జారీ చేసిన నోటిఫికేషన్ ప్రకారం.. శుక్రవారం ఉదయం 11 గంటల నుంచి నామినేషన్ల స్వీకరణ ప్రాసెస్ అధికారికంగా ప్రారంభం కానుంది.
మొత్తం 28 జిల్లాల పరిధిలోని 100 పుర, నగరపాలక సంస్థల్లో ఎలక్షన్ నిర్వహణ కోసం అధికారులు ఇప్పటికే అన్ని రకాల ఏర్పాట్లను పూర్తి చేశారు. అక్టోబర్ 16వ తేదీ నుంచి ప్రారంభమయ్యే ఈ నామినేషన్ ఘట్టం ఈ నెల 18వ తేదీ మధ్యాహ్నం 3 గంటల వరకు కొనసాగనుంది. మేయర్, మున్సిపల్ చైర్‌పర్సన్ పీఠాలను దక్కించుకోవడానికి ప్రధాన పార్టీలు స్టాటజీలు రచిస్తుండగా, వార్డు స్థాయిల్లో పోటీ పడటానికి ఏకంగా 3,942 కార్పొరేటర్, కౌన్సిలర్ స్థానాలకు అభ్యర్థులు శరవేగంగా సన్నాహాలు చేసుకుంటున్నారు. అభ్యర్థుల రద్దీని తట్టుకునేలా ఏపీ వ్యాప్తంగా ఏకంగా 5,485 కేంద్రాలలో నామినేషన్ల స్వీకరణకు ప్రత్యేక సదుపాయాలను కల్పించినట్లు ఎన్నికల యంత్రాంగం తెలిపింది.
ఏపీ ఎన్నికల కమిషనర్ అనిల్ చంద్ర పునేఠా పర్యవేక్షణలో పోలింగ్ నిర్వహణ యంత్రాంగం వేగంగా కదులుతోంది. ఈ ఎన్నికల ప్రాసెస్‌లో ఏ ఒక్క రాజకీయ పార్టీ కూడా రూల్స్ బ్రేక్ చేయకుండా పారదర్శకంగా ఎలక్షన్స్ జరిపేలా కఠినమైన ఆదేశాలను జారీ చేశారు. దీనిలో భాగంగా గుర్తుల కేటాయింపు ప్రాసెస్‌పై ఇప్పటికే క్లియర్ నోటిఫికేషన్ రిలీజ్ చేశారు.
గుర్తింపు పొందిన పార్టీలకు గతంలో కేటాయించిన సింబల్స్‌నే ఇప్పుడు తిరిగి కేటాయించాలని నిబంధన విధించారు. దీనికి తోడు కేండిడేట్స్ ప్రచార వ్యయం అదుపు తప్పకుండా చూడటానికి ఈసారి వ్యయ పరిమితులపై సవరించిన కొత్త నిబంధనలను తీసుకువచ్చారు. మున్సిపల్ కమిషనర్లు, జిల్లా కలెక్టర్లు ఈ ఖర్చుల పరిమితిని కచ్చితంగా పర్యవేక్షించాలని ఆదేశించారు.
ఈ కొత్త వ్యయ పరిమితులను ఒకసారి పరిశీలిస్తే, అత్యంత ప్రతిష్టాత్మకమైన గ్రేటర్ విశాఖ మున్సిపల్ కార్పొరేషన్ (జీవీఎంసీ) మేయర్ స్థానానికి గరిష్టంగా రూ. 40 లక్షలు, కార్పొరేటర్ స్థానానికి రూ. 15 లక్షల వరకు ఖర్చు చేసుకునే అవకాశం కల్పించారు. ఇక ఏపీలో మిగిలిన మున్సిపల్ కార్పొరేషన్ల మేయర్ కేండిడేట్స్‌కు రూ. 25 లక్షలు, కార్పొరేటర్ కేండిడేట్స్‌కు రూ. 10 లక్షల వ్యయ పరిమితిని నిర్ణయించారు.
అదేవిధంగా మున్సిపాలిటీల విషయానికి వస్తే, చైర్‌పర్సన్ కేండిడేట్ రూ. 20 లక్షలు, వార్డు సభ్యుడు లేదా కౌన్సిలర్ రూ. 7.50 లక్షల వరకు ఖర్చు చేసుకోవచ్చు. నగర పంచాయతీల పరిధిలో చైర్‌పర్సన్ బరిలో నిలిచే కేండిడేట్స్ రూ. 10 లక్షలు, వార్డు సభ్యులు రూ. 5 లక్షల వరకు ప్రచార ఖర్చులను లిమిట్‌గా పెట్టుకోవాలని ఈసీ తేల్చి చెప్పింది.